من گنجل کھول سائیں
گھٹری انج نہ رول سائیں
من گنجل کھلدا نئیں
تو وی مینوں لبھدا نئیں
اندر بڑے جھول سائیں
کتھے روحی کروبیاں
کتھے جن و انس تے حورین
کتھے غلمانِ جنت، کتھے شیطین
سارے کھڑے ایتھے سائیں
تسبیح کردے ایتھے ملائک
حورین دیون تحائف
غلمان تعارف دی کنجی
نوری علی النور کر سائیں
من گنجل کھول سائیں
میتھوں میرے توں نہ رول
میں تے ہاری،سکدی سکدی
ہن بوہا،باری کھول سائیں
چَن وی تو،شمس وی تو
شجر وی تو، گلِ طٰہ تو
تری قسم، رات وچ تو
صبح دا ستارہ بنیا اےتوں
چار چفیرے رشنائی کر
جندڑی دی دُہائیاں سن
صورت صورت وچ توں
لبھدی پھراں تینوں باروں بار
اندروں جندری تری صورت وکھائے
لبھیا اندر، باہر ترا سایا سائیں
