دم دم میں کون؟ پارٹ ۱
صبح کی نمود میں، صبا کی کھلیں قیود، دیکھ برگد میں سجود، ہر شے میں شہود، آیت دل پر صعود، نور تارِ حریر ریشم میں جمود، رشک دیکھ، دیکھ مرا وجود ..پتی سے شبنم کی نمود، آیت آیت سورہ ھود ....
زتاب ہجراِں کو،
ز شوق وصلت کو
، سنائیں گے ہم اپنی بتیاں ... چوں دل گدازی،
چوں روایت سازی،
چوں قوت پروازی
چوں شوق دستاری
داستان سناتے ہیں
بود نبود میں تو موجود
خُدا نے جوڑا بَنایا
وصلت، ہجرت کا
آب وصل میں بود اسکی
دشت ہجرت میں غیبت اسکی
دشت ہجرت میں آدم کو لا پھینکا
خود سے آدم، آدم سے حوّا کو نکالا
درد جُدائی والا، مار ڈالا
روگ کے تیر دل میں
برچھیاں بھالے دل میں
دل بھی کیا شے، اس نے بنائی
درد کی کائنات خوب ہے بنائی
ہجرت خدا کی، روئے بشر
ماں کی شدت، روئے پسر
لحظہ لحظہ مامتا کے دکھ بڑھائے گئے
جن و انس تخیلات میں بہلائے گئے
کُن سے نفخ، ہجر نہیں مانگا تھا
ماں تیر جدائی والا نہیں مانگا تھا
ماں تیری دوری نے مار رلایا تھا
نہرِ فرات سے وضو کرایا تھا
مصر کے اہراموں میں ڈھونڈا تجھے
ہیکلِ سلیمانی میں تلاشا تجھے
دعاؤں میں مانگا تجھے،
آنکھوں میں سجایا تجھے،
پھریوں ہوا کہ .....
پیاس بڑھانے کو دو بونڈ ٹپکائے گئے
دشت جدائی میں یوں آزمائے گئے
نہ سسک سکے، نہ بہل سکے
ز امید وصلت، قطرہ قطرہ میں پائے گئے
ملنے سے پہلے، ملن فسانہ تھا
دوری بھی کیا، وہ تو بہانہ تھا
تو حقیقت ہوئ، میں ترا فسانہ
بعد وضو، یہ گھر ترا آشیانہ ہوا
منم گفتم؟ گفتا توئی
منم روشنی؟ روشنی توئی
آب وصلت اور ہجرت کے بین بین
یوں رہی کہ روئے نین نین
میری کہانی پر فلک بھی رو دیا تھا
زمین پر اس نے سیلاب دیکھا
از وقت سیل نا مہربانی، تری مہربانیاں
در کھلے، در بند ہو،
آہٹ آہٹ میں تو ہے،
رزم حق و باطل میں
بصورت تیغِ حیدری، تو موجود
بصورت تیری، خدائی کی نمود
بہ مثل زہرا تری صدا ہے موجود
بہ مثل مریم، ترے قدسیوں کا ظہور
بہ مثل یوسف، رائی رائی میں دل پذیر
بہ شکل ابراہیم، بہ شکل صدیق
،صدق میں، قربانی میں خیال ترا گردش میں
خلیفہ الارض کی شاہی میں ترا شمول
بہ تاب ہجر کو درد بڑھا دیا ہے
حسن احمد کو جوں جوں دکھا دیا ہے
صلی اللہ علیہ والہ وسلم
بار بار سجدہ کرتی ہوں کہ لگتے ہے سامنے تو ... نگاہ، روح، زبان، تن کے سجدے.... تری اداؤں سے گھائل پیا رے .... سکھ دکھ میں من مورا تری لاگے رے .... سچ مورا کسی کہانی سے نکلا ہے. سلام سلام سلام سلام سلام سلام سلام سلام سلام سلام سلام سلام سلام سلام سلام سلام سلام سلام سلام سلام سلام سلام سلام سلام
دم دم دم میں تو ...دم دم دم میں تو
روم روم میں تو ...روم روم روم میں تو
پانی دھارے سے نکلتا ہے، موج آفتاب سے، دل نقاب سے اور زیر زمین واصل ہوتا ہے تجھ سے ملتا ہے ...
اک ورد دم دم ہے، دم دم میں توئی توئی
دما دم دم کہ دم دم میں ساز ہست تو
دما دم دم کہ دم دم میں راگ نگر تو
دما دم دم کہ دم دم میں خوشبو کا دریا تو
دما دم دم کہ دم دم میں بارش کا بہتا پہنا تو
دما دم دم کہ دم دم میں رکوع کا سکوت تو
دما دم دم کہ دم دم میں آنکھ کا وضو تو
دما دم دم کہ دم دم میں روشنی میں اسکندر تو
دما دم دم کہ دم دم میں محبت میں قلندر تو
دما دم دم کہ دم دم میں جود و کرم کا اظہار
دما دم دم کہ دم دم میں شیریں ترا گفتار
دما دم دم کہ دم دم میں مستی کا خمار تو
دما دم دم کہ دم دم میں نیستی کا راز تو
دما دم دم کہ دم دم میں کامل ذات تو
دما دم دم کہ دم دم کے نور میں شامل تو
دما دم دم کہ دم دم میں اللہ کی برہان
دما دم دم کہ دم دم میں شاہ ولا کا احساس
دما دم دم کہ دم دم میں روشنی کا آبشار تو
دما دم دم کہ دم دم میں روح کا نکھار تو
دما دم دم کہ دم دم میں رکتے خون کا فشار تو
دما دم دم کہ دم دم میں لعل و یمن کے جواہر میں تو
دما دم دم کہ دم دم سے نکلے دود میں تو
دما دم دم کہ دم دم سے نکلتا ورود تو
دما دم دم کہ دم دم سے نکلتا نور تو
دما دم دم کہ دم دم کی صدا تو
صورت صورت میں تو،
رنگ رنگ میں تو
مے نوش ہوں تری شراب کی ساقی
بادہ و مے سے اندھیرے سب ڈھلے
صبح سے شام کریں گے ذکر ترا
سو جائیں گے، باقی رہے تصور ترا
میں خراب، میں خراب، میں خراب
مستی میں تیغِ عشق دل میں اتری ہے
نیستی! نیستی! نیستی! نیستی!
میں نہیں، وہ مجھے ڈھونڈ رہا ہے
میں نہیں، ترے گھر میں تو ہے
میں نہیں، تو میخانہ، تو پیمانہ،
میں نہیں، ترے قلم سے لکھوں تجھے
میں نہیں، تری صورت سے تجھے دیکھوں
میں نہیں، تری جبین کو تجھ پر جھکتا دیکھوں
میں نہیں، ترے کعبے کے گرد تجھے طواف میں دیکھوں
میں نہیں، تو حجاب، تو بے حجاب
میں نہیں، تری ہستی میں ڈلتی جاتی ہے شراب
میں نہیں، ترے رستے پر چل رہا ہے تو خود
میں نہیں، تو غزل سرا، تو غزل نوا
میں نہیں، تو نغمہ، تو ساز، تو دھن، تو قوال
میں نہیں، تو درد، تو گریہ
میں نہیں، تری آنکھ وضو میں
میں نہیں، تری رات جام و سبو میں
میں نہیں، ترا جلوہ جا بجا
میں نہیں، تو عیاں، تو نہاں
میں نہیں، تو روشن، تو اندھیرا
میں نہیں، تو خواب و خیال
میں نہیں، تو سوال، تو جواب
میں نہیں، تو اظہار، تو ضبط
میں نہیں، تو ماہ، تو آفتاب
میں نہیں، تو دل، تو جان
میں نہیں، تو دید کرے خود کی
میں نہیں، تو جدا کرے خود سے خود کو
میں نہیں، تو ملائے خود کو خود سے
میں نہیں، ترا پیالہ ٹوٹا، پھیلا ترے آگے کاسہ
میں نہیں، تو گدا گر، تو شہنشاہ
میں نہیں، تو عالمگیر میں، تو اکبر میں
میں نہیں، تو فرعون میں تو ہی موسی میں
میں نہیں، تو ید بیضاء دل کا
میں نہیں، قران بنا سینہ ترا
میں نہیں، کعبہ بنا.سفینہ ترا
میں نہیں، وادی ء حرا مقام ترا
میں نہیں، زمان و مکان کا ساتھ ترا
میں نہیں، ترا دل، ترے کاخ و کو، تری راجدھانی
میں نہیں، ترے گلاب، تری خوشبو کے بادل
میں نہیں، تو کرے اللہ، تو کرے ھو
میں نہیں، تو روح کی رگ رگ میں
میں نہیں، درچشمان وصلت کا مظہر تو
میں نہیں، دل کی اگنی میں تو
میں نہیں، من کی تری بتیاں سنائے رتیاں
میں نہیں، ہر جا میں تو تو
