تخلیق ہو رَہی ہے ...
کیسے؟
کون کر رہا ہے؟
کس کی ہو رہی ہے؟
وہ جو مالک ہے کُن صاحبِ اسرار ہے،
دیکھ رَہا یے،
سُن رَہا ہے،
سَمجھ رہا ہے،
یا ھو! تمہید باندھی ہم نے
ہائے ھو میں پکارا تمھی کو
لا بھی ھو بھی، انوکھا راز ہے
سمجھ رہی ہوں کہ میں نے کس دن سے، کب سے، تمھارا نام دل کی دیوار پہ لکھا تھا
دل کی دیوار پر سنہرا تھا رنگ تمھارا
لگتا تھا کہ لال شفق پر کوئی بیٹھا ہے مانند شمس
تو شمس کو دیکھا، کھوگیا قمر
تو کھونے سے زمین میں لاگی گردش
نہ ہستی رہی، نیستی میں اسکی ہستی
مستی رہی، پستی میں وہی ہے
کیف نہیں یے، کیفیتات ہیں
دل ہائے اسرار کا مرقع ہے
دل کے قران پاک پہ سطر سطر میں اللہ اللہ لکھا ہے
اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ
جگہ ترے لیے ہے
دل فقط ترے لیے ہے
اور اسکی کرسی کو دل میں قرار ہے
وسعت جس کی سماوات تک ہے
دل عرش سے صبح فرش تک بس اک صدا
اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ اللہ
ہستی شہود را سے مستی ہنوز را تلک فقط مالک کی صدائے ھو سنی ہے
سن لیا ہم نے نار میں کیا ہے، ھو کی صدا ہے
سن لیا ہم نے فلک زمین کو بلاتا ہے، ھو
سن لیا ہم نے چاند و زمین کا نغمہ، ھو
سن لی چرچرانے کی صدا میں، پتے پتے کی ھو
سن لی عشق ازل سے ابد کی صدا ھو
نیستی میں نہیں کچھ بس وہ ہے
ہستی میں وہ ہے، نہیں کچھ اور
دل از لامکان تلک رفتار میں ہے
خلائق جانب خلق گفتار میں ہے
حالت سے حال کوئے یار میں ہے
خانہ کعبہ دل کے اسرار میں ہے
رنگ رنگ جو ہے، وہ یار میں ہے
زنگ اترے، کیا بات پیار میں ہے
جا، دے آ دل، دل وار میں ہے
لے، نکال نیام جو تلوار میں ہے
رویت میں ہے، گفتار میں ہے
مست، خراماں سے وقار میں ہے
جالی کے سامنے اظہار میں ہے
اشک اشک، حال زار زار میں ہے
چلا وہ نغمہ جو ستار میں ہے
رہ وضو میں، کیوں قرار میں ہے
جنون ہے، جنون کوئے یار میں ہے
پھیلی خوشبو، وہ جو ہار میں ہے
دیکھی رنگ، جو چنر لعل میں ہے
کیا ہے شوق نے راہ کو معشوق
عشق و معشوق ساتھ ساتھ ہیں
یہ عشق دوئی مٹانا کا بہانا ہے
یہ عشق ملنے کا اک سیاپا ہے
ملن کے واسطے، فسانہ ء جہاں
ملن کے واسطے، سجا یہ آستاں
دل، نمانا سمجھا نہ اسکے نشان
محمدی نور میں عیاں ہے جہاں
میم کے رنگ میں الف لازوال ہے
الف میں الف کی مثالیں نہیں ہیں
میم سے نکلیں ہیں سو ذاتیں
میم سے پھیلی ہیں کائناتیں
میم نے کی سج دھج رگ جان میں
میم سے پہچانا اللہ کا بیان
میم سے جانا اللہ کا ہےقران
میم تو خود چلتا پھرتا قران
میم کے واسطے یہ ہے جہان
میم سے ملی شمس کو بینائی
میم سے ملی قمر کو رعنائی
میم سے ملی بحر کو روانی
میم سے ملی موجوں کو طغیانی
میم سے ملی عشق کی کہانی
میم سے ملی حسین کی قربانی
میم سے ملی فاطمہ کی نشانی
میم سے کار جہاں دراز ہے میاں
خودی کو سرفراز کیا ہے میاں
دیارِ عشق میں فقط نام محمد
لب پہ رواں رہے صبح شام محمد
محمد کے جو غلام ہو جائیں
قصے سارے پھر تمام ہو جائیں
