تراشوں تیشہ ِ دل سے جو میں سرکارﷺ کی صورت

 یا

تراشوں تیشہ ِ دل سے جو میں سرکارﷺ کی صورت
مرے افکار کو مل جائے گی اظہار کی صورت

ہے جن کو زہرِ غم پینے کی عادت دردِ ہجراں میں
وہ دنیا میں رہے گزرے ہُوئے اخبار کی صورت

جو چُوما کرتے ہیں نامِ محمد ﷺکو لبِ دل سے
نظر آتی ہے اُن کو چار سو سرکارﷺ کی صورت

بنامِ مصطفی ﷺکاتب کی ہے تحریر یہ دنیا
تدبر سے بنا عالم شہِ ابرار کی صورت

شہِ لولاکﷺ سے نسبت کرے گی میرا روشن نام
حیاتِ نو ملے گی نورؔ کو اشعار کی صورت​