راگ سناوے آس دلاوے
ساز وجاوے یاس مکاوے
عشق روحاں دا سنجوگ
عشق سے جاتا ہے سوگ
عشق خوشبو عین وصل
کدی ہجرت کدی وصلت
کدی واج تے کدی خاموش
کدی راگ اے کدی شور اے
کدی بحر اے تو کدی موج
کدی بادل اے کدی ساون
کدی بجلی تے کدی رحمت
دیدار دی اگ لگا دیوے
آرزو نو صد آرزو بنا وے
پیراں پڑیے، اکھیاں روون
ساواں اوکھیاں راتاں لمیاں
اتھرو وگن، سرخی منگن
جندڑی نو روگ لگا دیوے
عشق روحاں دا سنجوگ ہے
عشق توں جاندا سوگ اے
عشق مست مست کریندا
عشق جذب تے آپے مجذوب
عشق دی ہستی مستی ویکھو
عشق رلاوے عشق ہنساوے
عشق دا مرض لاعلاج اے
من دے روگ تن دے سوگ
عشق اے روحاں دا سنجوگ
من دی ہستی ہوجاوے مٹی
مٹی دی اوقات ہوجاوے مٹی
عشق مٹی دا بالن چنگا اے
بھٹیارن بن جا جے سچا اے
سمجھ سمجھ نہ آوے گا اے
دلوں وحی بن کے اتر جاوے
سجن مٹھن پیار دی مستی
ساڈی ہستی کیہ اودی ہستی
