جوگن کا سوانگ بھرلیا.
جوگی فر وی ملن نہ آیا
جوگی ملن نَہ آیا، او بیٹھی رَی صحرا وچ. ہستی دی بستی وچ رنگ نہ رَیا. مستی کتھوں لبدی؟ او چلی چولا گلابی پا کے، کہندی رہی
اے سہاگ دی علامت ہے
اے رات دی علامت ہے
روحاِں دی گَل جانڑوں گے؟
پیمانہ اِک، خیال دو نیں
دو، اک ہوئے، جوگ کاہے؟
مورے رنگ دا سرمہ اے
اکھ نُوں اَکھ مِل گئی اے
سجن دی گَل مل گئی اے
جوگنیا بھیس بدل کے گئی
جوگی جانے کتھے رہ گیا
اجمال میں جانوں کہ گل مک گئی اے. شادی دی گل اے کہ وصلت دی باتاں وچ ذات دا سارا کھڑاگ اے.
ذات لُکے، ذات کُھلے
ذات منگے، ذات دووے
ذات آوے، ذات جاوے
ذات دوات، ذات قلم.
ذات لکھے، ذات لکھائے
ذات نغمہ، ذات بانسری
ذات جمال، ذات جلال
ذات کول بیٹھا ملنگ اے
رنگ وچ مست مدام اے
شاوواں دی چاکری کیتی
شاواں نے نوکری دتی اے
جوگ نہ رہیا کوئی! جوگی وچ ذات کھلی اے! جوگی تے جوگنیا نہ آکھو کوئی ذات حاضر تے غائب نیں عکس. آئنہ ہستی وچ آئنہ دی رویت اے کہاوت چلی: کہون لوکی کملی جھلی دے دل وچ وسدا مدنی ڈھولا اے. شاد کردا دل نوں مکھڑا سوہنا اے، نورانی لاٹاں وچ کون کھلویا اے؟ کھیڈ نہیں کہ سہے آقا دی رخ رخ نے ویکھن کہ ویکھن ویکھن وچ بندہ اے گیا ... ڈوب گئے؟ ہاں ڈوب گئے ..کشتی ساحل کنارے ہے اور ملاح ڈبی گیا .. سمندر صدا دتی اے کہ اے سمندر وچ کیہ رولا اے؟ قطرہ دی اوقات کیہ قلزم اچ؟
قطرہ بولا سائیاں ... .
جے مل جاون تے کیہ گل اوقاتاں؟
باتاں گئیاں تے عمل دی ہن سوغاتاں
قطرہ سمندر اچ یا سمندر اچ قطرہ؟ .
کوئ تے لب کے لیائے فرقاں دا جھولا؟
قطرہ فانی ہویا سی؟
قطرہ باقی ہویا سی؟
نہ فانی کوئ نہ باقی.
وقت دا ایتھے نہ ساتھی
قطرہ قطرہ بہنے لگا اور بہنے سے آبشار بننے لگی. آبشار نے پانی کے چھینٹے اڑائے تو آبشار سے صدا لگی
آؤ! پانی لے لو
آو! پانی لے لو
